mai-kade mein ishq ke kuchh sarsari jaanaa nahin — Abdul Rahman Ehsan Dehlvi

gale se lagte hi jitne gile the bhuul gae
vagarna yaad thiin ham ko shikaayatein kyaa kyaa

dil-rubaa tujh saa jo dil lene mein ayyaari kare
phir koi dilli mein kyaa dil ki khabardaari kare

aag is dil-lagi ko lag jaae
dil-lagi aag phir lagaane lagi

ba-vaqt-e-bosa-e-lab kaash ye dil kaamraan hotaa
zabaan us bad-zabaan ki munh mein aur main zabaan hotaa

tankhvaah ek bosa hai tis par ye hujjatein
hai naa-dahind aap ki sarkaar be-tarah

namaaz apni agarche kabhi qazaa na hui
adaa kisi ki jo dekhi to phir adaa na hui

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

aataa rahaa huun yaad main us ko tamaam umr
is zaaviye se ishq mein naakaam kab huaa

kyaa kahaa ishq jaavedaani hai!
aakhiri baar mil rahi ho kyaa

dil kaun hai ki us se kahein raaz-e-ishq ham
tere khayaal se bhi na ham guftugu karein