vo aise moD par mujh ko milaa thaa — Abdul Wahab Sukhan

jal rahe hain abhi kamzor aqidon ke charaagh
jis kaa ji chaahe zamaane mein khudaa ho jaae

mohabbaton ke hasin baab se zaraa aage
kitaab-e-zist mein miltaa hai gumrahi kaa varaq

thaam rakkhi hai ham ne chaal apni
aaj-kal hain sitaare gardish mein

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

phans hi jaate hain kisi daam mein aakhir ham log
laakh kahte hain chhalaave mein nahin aaeinge

ye pyaar kaa jazba tire kuchh kaam to aae
meraa nahin bantaa hai to ban aur kisi kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jab yaad mein taDpein to mohabbat ko baDhaa dein
khud dard-e-mohabbat ki masihaai mohabbat

kaun suntaa hai bhikaari ki sadaaein is liye
kuchh zarifaana latife yaad kar lete hain ham

ye ham ko chhoD ke tanhaa kahaan chale 'vaamiq'
abhi to manzil-e-meraaj-e-daar baaqi hai