chaand mein tu nazar aayaa thaa mujhe — Abdurrahman Momin

abhi se tujh ko paDi hai visaal ki miri jaan
abhi to hijr ne unvaan hi nahin paayaa

yaad aate hain ve din bahut
kyon na ve din dobaaraa karein

aaj suraj ne kah diyaa 'momin'
tu jalegaa to raushni hogi

ve saamne se jaa chukaa to ye khulaa
vo khvaab lag rahaa thaa khvaab thaa nahin

jaane kyaa kah rahaa thaa vo mujh se
main ne bhi kah diyaa ki khush huun main

us ne vaada nahin liyaa mujh se
aur kahtaa hai main mukar rahaa huun

vo chaand hai to aks bhi paani mein aaegaa
kirdaar khud ubhar ke kahaani mein aaegaa

sunaa hai chaand ko uljhaa liyaa hai shaakhon ne
so ab charaagh darichon pe rakh diye jaaein

itni siyaah-raat mein itni si raushni
ye chaand vo nahin miraa mahtaab aur hai

surat na yuun dikhaae unhein baar baar chaand
paidaa kare hasinon mein kuchh e'tibaar chaand

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae