ba-paas-e-ehtiraam-e-ishq ham khaamosh hain varna — Abrar Shahjahanpuri

dil arsh-gaah-e-husn hai dil jalva-gaah-e-naaz
ye aap hi kaa ghar hai hamaari guzar kahaan

na puchho jaan par kyaa kuchh guzarti hai gham-e-dil se
qaraar aanaa kahaan kaa saans bhi aati hai mushkil se

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

siine mein aabaad hamesha rahti hai
pahli mohabbat yaad hamesha rahti hai

jo kahaa main ne ki pyaar aataa hai mujh ko tum par
hans ke kahne lagaa aur aap ko aataa kyaa hai

vo jaa chukaa hai magar phuul khil rahe hain abhi
mohabbaton ko tamaashaa banaa diyaa us ne

ishq mein dard se hai hurmat-e-dil
chashm ko aabru hai aansu se