miTaanaa chaahun to mumkin kahaan miTaa bhi sakun — Mukhtar Tilhari

jis vaqt huaa karti hai bechain tabiat
us vaqt bayaabaan se lagte hain chaman bhi

hamaari samt se be-raghbati na kar varna
tire baghair qaraar aa gayaa to kyaa hogaa

dil dukhaanaa miraa nahin maqsad
haq-bayaani miri nahin jaati

vo aaein ham se dalil maangein
jo kah rahe hain khudaa nahin hai

un se baatein karte karte dil mein Tiis chamak uTThi thi
lafzon par phulon ki ridaa thi maani mein nashtar pinhaan the

miri hansi ko sar-e-bazm sah liyaa us ne
phir us ke baa'd akele mein intiqaam liyaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

talaatum aarzu mein hai na tufaan justuju mein hai
javaani kaa guzar jaanaa hai dariyaa kaa utar jaanaa

pi liyaa karte hain jiine ki tamannaa mein kabhi
laDkhaDaanaa bhi zaruri hai sambhalne ke liye

daanaaon ne ki daanaai muund liin aankhein
chauraahe par qatl huaa paagal ne dekhaa

ye lamha lamha takalluf ke TuTte rishte
na itne paas mire aa ki tu puraanaa lage