phir koi duur huaa jaataa hai — Ahmad Ata

ab yahaan kaun nikaalegaa bhalaa duudh ki nahr
ishq kartaa hai tu jaisaa bhi hai achchhaa hai miyaan

naa-rasaai ne ajab taur sikhaae hain 'ataa'
yaani bhule bhi nahin tum ko pukaaraa bhi nahin

saDak pe baiTh gae dekhte hue duniyaa
aur aise tark hui ek khud-kushi ham se

vaisaa hi kharaab shakhs huun main
jaisaa koi chhoD kar gayaa thaa

main teri ruuh mein utraa huaa milungaa tujhe
aur is tarah ki tujhe kuchh khabar nahin honi

aaj dekhaa hai use aisi mohabbat se 'ataa'
vo yahi bhuul gayaa us ko kahin jaanaa thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bahut aasaan hai mushtarka dilon mein tafriq
baat to jab hai ki bichhDon ko milaayaa jaae

mujhe phunkne se pahle miraa dil nikaal lenaa
ye kisi ki hai amaanat mire saath jal na jaae

yaad ki khushbu dil ke nagar mein phailegi
gham ke saae lagte hain ab shital se

hamein baada-kash-e-dard-e-tamannaa
hamin par band hai mai-khaana dil kaa