bahut aasaan hai mushtarka dilon mein tafriq — Anwar Jamal Anwar

sach ye hai ham hi mohabbat kaa sabaq paDh na sake
varna an-paDh to na the ham ko paDhaane vaale

shahr ki galiyon aur saDkon par phirte hain maayusi mein
kaash koi 'anvar' se puchhe aise be-ghar kitne hain

tumhaare dil mein koi aur bhi hai mere sivaa
gumaan to hai zaraa saa magar yaqin nahin

husn aisaa ki zamaane mein nahin jis ki misaal
aur jamaal aisaa ki DhunDaa kare har khvaab-o-khayaal

ham fitratan insaan hain farishte to nahin hain
daavaa ye karein kaise ki laghzish nahin karte

kaisaa maqaam aayaa mohabbat ki raah mein
dil ro rahaa hai meraa magar aankh tar nahin

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

main badalte hue haalaat mein Dhal jaataa huun
dekhne vaale adaakaar samajhte hain mujhe

na jhaTko zulf se paani ye moti TuuT jaaeinge
tumhaaraa kuchh na bigDegaa magar dil TuuT jaaeinge

vo dard uThaa dil mein ki jis dard kaa darmaan
gar ho na pas-e-lafz to miltaa hai sar-e-daar