tanhaai se bachaav ki surat nahin karun — Ahmad Kamal Parwazi

tumhaare vasl kaa jis din koi imkaan hotaa hai
main us din roza rakhtaa huun buraai chhoD detaa huun

mujh ko maalum hai mahbub-parasti kaa azaab
der se chaand nikalnaa bhi ghalat lagtaa hai

tum mire saath ho ye sach to nahin hai lekin
main agar jhuuT na bolun to akelaa ho jaaun

vo apne husn ki khairaat dene vaale hain
tamaam jism ko kaasa banaa ke chalnaa hai

ek hi tiir hai tarkash mein to ujlat na karo
aise mauqe pe nishaanaa bhi ghalat lagtaa hai

is qadar aap ke badle hue tevar hain ki main
apni hi chiiz uThaate hue Dar jaataa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ek dariche se do aankhein roz sadaaein deti hain
raat gae ghar lauTne vaalo shaad raho aabaad raho

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

yuun bhi aankhon se nikalne nahin detaa aansu
ashk-e-gham teraa tasavvur na bahaa le jaae