kahne ko faqat ibn-e-ali ibn-e-ali hain — Ahsan Gulfam

shahr kaa shahr ye pichhe jo paDaa hai mere
tere divaane mein kuchh baat to hoti hogi

ye shaairi kaa takalluf badan pe achchhaa libaas
sab iltizaam usi ek be-vafaa ke liye

mujh ko daavaa nahin yusuf saa hasin hone kaa
phir bhi hai meraa zulekhaaon mein charchaa saahab

rahne ko apne paas koi chhat nahin magar
chiDiyon ke chahchahaane ko aangan banaa diyaa

itni mahngaai hai marnaa bhi agar chaahun to
zahr miltaa nahin baazaar mein sastaa saahab

ab kahaan miltaa hai aashiq koi sachchaa saahab
zakhm hi koi lagaa dein mujhe achchhaa saahab

be-zaar hain jo jazba-e-hubb-ul-vatani se
vo log kisi se bhi mohabbat nahin karte

aql kahti hai na jaa kucha-e-qaatil ki taraf
sarfaroshi ki havas kahti hai chal kyaa hogaa

de hausle ki daad ke ham tere gham mein aaj
baiThe hain mahfilon ko sajaae tire baghair

rah-guzaar-e-maarifat tak ho rasaai yaa na ho
jazba--e-pur-shauq ki vaaraftagi kuchh kam nahin

ye bhi khud ko hausla dene kaa hiila hai ki main
ungliyon se likh rahaa huun chaar su laa-taqnatu

ye 'ishq jazba-e-ruhaaniyat hai maantaa huun
magar tu jism ki majburiyaan bhi samjhaa kar