be-zaar hain jo jazba-e-hubb-ul-vatani se — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

aatish-e-ishq vo jahannam hai
jis mein firdaus ke nazaare hain

namali aur na duudi hai na manshaari hai
nabz-e-bimaar-e-mohabbat ki hai raftaar judaa

ishq gore husn kaa aashiq ke dil ko de jalaa
saanvlon ke aashiqon kaa dil hai kaalaa koelaa

nafrat se hai nafrat ham ko priit hamaari riit
pyaar ke hain anmol khazaane titli phuul aur main