ye kaun tere sivaa kar sakaa udaas mujhe — Akash Arsh

sukhan-aabad mein saudaaiyon ki dhuum sahi
'mir'-ji she'r ke fan mein mire ustaad raho

sab apni zaat mein ik anjuman ke mujrim hain
kisi vajud mein kuchh fard jaisaa hai hi nahin

kisi parind ki chikhon ne sang-baari ki
sukut-e-shaam kaa shisha bikhar gayaa mujh mein

har ek samt tiri yaad kaa dhundalkaa hai
tire khayaal kaa suraj utar gayaa mujh mein

main khud ko dekhtaa huun aur bhi hiqaarat se
jab apnaa martaba taslim karne lagtaa huun

baiThaa huaa huun lag ke dariche se mahv-e-yaas
ye shaam aaj mere baraabar udaas hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kahin aansuon se likhaa huaa kahin aansuon se miTaa huaa
lauh-e-dil pe jis ke nishaan hain vahi ek naam qubul hai

hijr mein yuun bahte hain aansu
jaise rim-jhim barse saavan

ab udaas phirte ho sardiyon ki shaamon mein
is tarah to hotaa hai is tarah ke kaamon mein