izzat kaa hai na auj na neki ki mauj hai — Akbar Allahabadi

khincho na kamaanon ko na talvaar nikaalo
jab top muqaabil ho to akhbaar nikaalo

log kahte hain badaltaa hai zamaana sab ko
mard vo hain jo zamaane ko badal dete hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

hayaa se sar jhukaa lenaa adaa se muskuraa denaa
hasinon ko bhi kitnaa sahl hai bijli giraa denaa

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

qurbatein hote hue bhi faaslon mein qaid hain
kitni aazaadi se ham apni hadon mein qaid hain

azmat-e-mulk is siyaasat ke
haath nilaam ho rahi hai ab

hamaaraa mulk agar qarze mein jakDaa hai to kyaa hairat
hamaare mulk kaa to ik vazir-e-aazam udhaaraa thaa

mulk to mulk gharon par bhi hai qabza us kaa
ab to ghar bhi nahin chalte hain siyaasat ke baghair

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain