azmat-e-mulk is siyaasat ke — Dushyant Kumar

tu kisi rail si guzarti hai
main kisi pul saa thartharaataa huun

maslahat-aamez hote hain siyaasat ke qadam
tu na samjhegaa siyaasat tu abhi naadaan hai

ek qabristaan mein ghar mil rahaa hai
jis mein tah-khaanon se tah-khaane lage hain

in ThiThurti ungliyon ko is lapaT par seink lo
dhuup ab ghar ki kisi divaar par hogi nahin

kaise aakaash mein suraakh nahin ho saktaa
ek patthar to tabiat se uchhaalo yaaro

tumhaare paaon ke niche koi zamin nahin
kamaal ye hai ki phir bhi tumhein yaqin nahin

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

kisi laashe pe ye baad-e-sabaa kahti hui guzri
shahid-e-ishq hai is ke lahu ko taaza kahte hain

abhi to ek vatan chhoD kar hi nikle hain
hanuz dekhni baaqi hain hijratein kyaa kyaa

na intizaar karo in kaa ai azaa-daaro
shahid jaate hain jannat ko ghar nahin aate

har mulk is ke aage jhuktaa hai ehtiraaman
har mulk kaa hai father hindostaan hamaaraa

hamaare rahbaraan-e-qaum-o-millat 'shauq' kyaa kam hain
vatan mein gar na koi barber hogaa to kyaa hogaa