rahtaa hai ibaadat mein hamein maut kaa khaTkaa — Akbar Allahabadi

khincho na kamaanon ko na talvaar nikaalo
jab top muqaabil ho to akhbaar nikaalo

log kahte hain badaltaa hai zamaana sab ko
mard vo hain jo zamaane ko badal dete hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

hayaa se sar jhukaa lenaa adaa se muskuraa denaa
hasinon ko bhi kitnaa sahl hai bijli giraa denaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

kisi ki yaad aati hai to ye bhi yaad aataa hai
kahin chalne ki zid karnaa miraa tayyaar ho jaanaa

tumhaare bin nahin lete kabhi karvaT akele ham
tumhaari yaad bhi karvaT hamaare saath leti hai

kis kaa hai jigar jis pe ye bedaad karoge
lo dil tumhein ham dete hain kyaa yaad karoge

tiri yaadon ke sahraa mein sanam kyaa kyaa nahin hotaa
jahaan ho tishnagi kaa gham vahaan dariyaa nahin hotaa