ham aae roz nayaa khvaab dekhte hain magar — Akhtar Razaa Saleemi

yahin kahin pe koi shahr bas rahaa thaa abhi
talaash kijiye is kaa agar nishaan koi hai

ik aag hamaari muntazir hai
ik aag se ham nikal rahe hain

aae adam se ek jhalak dekhne tiri
rakkhaa hi kyaa thaa varna jahaan-e-kharaab mein

pahle taraashaa kaanch se us ne miraa vajud
phir shahr bhar ke haath mein patthar thamaa diye

ab zamin bhi jagah nahin deti
ham kabhi aasmaan pe rahte the

guzar rahaa huun kisi jannat-e-jamaal se main
gunaah kartaa huaa nekiyaan kamaataa huaa

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

ishq mein ji ko sabr o taab kahaan
us se aankhein laDin to khvaab kahaan

hamaare khvaab salaamat rahein tumhaare saath
ye baat kaafi hai duniyaa ki niind uDaane ko