vo ik lamha jo tere vasl kaa thaa — Akhtar Shahjahanpuri

dilon mein karb baDhtaa jaa rahaa hai
magar chehre abhi shaadaab se hain

abhi tahzib kaa nauha na likhnaa
abhi kuchh log urdu bolte hain

ye moajiza hamaare hi tarz-e-bayaan kaa thaa
us ne vo sun liyaa thaa jo ham ne kahaa na thaa

apnon se jang hai to bhale haar jaaun main
lekin main apne saath sipaahi na laaungaa

koi manzar nahin barsaat ke mausam mein bhi
us ki zulfon se phisalti hui dhupon jaisaa

ranj-o-gham sahne ki aadat ho gai hai
zinda rahne ke saliqe de gayaa vo

kitnaa aasaan thaa tire hijr mein marnaa jaanaan
phir bhi ik umr lagi jaan se jaate jaate

vo hijratein hon hijr ho yaa qissa-e-visaal
aa phir se mere naam sabhi vaaqiaat kar

hijr ki masaafat mein saath tu rahaa har dam
duur ho gae tujh se jab tire qarin pahunche

hijr thaa baar-e-amaanat ki tarah
so ye gham aakhiri hichki se uThaa

ham kahaan aur tum kahaan jaanaan
hain kai hijr darmiyaan jaanaan

hijr mein bhi ham udaas utne na the
mil ke bichhDe to hue jitne udaas