kuchh is tarah se yaad aate rahe ho — Akhtar Shirani

kis ko fursat thi zamaane ke sitam sahne ki
gar na us shokh ki aankhon kaa ishaaraa hotaa

ab to miliye bas laDaai ho chuki
ab to chaliye pyaar ki baatein karein

zindagi kitni masarrat se guzarti yaa rab
aish ki tarah agar gham bhi gavaaraa hotaa

yaad aao mujhe lillaah na tum yaad karo
meri aur apni javaani ko na barbaad karo

muddatein ho gaiin bichhDe hue tum se lekin
aaj tak dil se mire yaad tumhaari na gai

jo bhi buraa bhalaa hai allaah jaantaa hai
bande ke dil mein kyaa hai allaah jaantaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

duur rah kar na karo baat qarib aa jaao
yaad rah jaaegi ye raat qarib aa jaao

inqilaabaat-e-dahr ki buniyaad
haq jo haqdaar tak nahin pahunchaa

ai aarzu ke dhundle kharaabo javaab do
phir kis ki yaad aai thi mujh ko pukaarne

nazaa ke dam bhi unhein hichki na aaegi kabhi
yunhi gar bhule raheinge vo 'sakhi' ki yaad ko