shaam aae aur ghar ke liye dil machal uThe — Akhtar Usman

shahr khaali hai kise eid mubaarak kahiye
chal diye chhoD ke makka bhi madina vaale

ye kaaenaat mire saamne hai misl-e-bisaat
kahin junun mein ulaT duun na is jahaan ko main

vaqt ab dastaras mein hai 'akhtar'
ab to main jis jahaan tak ho aauun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

TuuTe dil ko banaa dikhaave
aisaa koi kaari-gar na dekhaa

dil ke har juzv mein judaai hai
dard uThe aabla agar baiThe

us se na miliye jis se mile dil tamaam umr
sujhi hamein bhi hijr mein aakhir ko duur ki

yunhi dil ne chaahaa thaa ronaa-rulaanaa
tiri yaad to ban gai ik bahaanaa