yunhi dil ne chaahaa thaa ronaa-rulaanaa — Sahir Ludhianvi

le de ke apne paas faqat ik nazar to hai
kyuun dekhein zindagi ko kisi ki nazar se ham

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ham amn chaahte hain magar zulm ke khilaaf
gar jang laazmi hai to phir jang hi sahi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

milti hai zindagi mein mohabbat kabhi kabhi
hoti hai dilbaron ki inaayat kabhi kabhi

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

tum ne kiyaa na yaad kabhi bhuul kar hamein
ham ne tumhaari yaad mein sab kuchh bhulaa diyaa

kuchh is andaaz se sayyaad ne aazaad kiyaa
jo chale chhuT ke qafas se vo giraftaar chale

munavvar maan ke aage yuun kabhi khul kar nahin ronaa
jahaan buniyaad ho itni nami achchhi nahin hoti

jab baDh gai umr ghaT gai ziist
jo had se ziyaada ho vo kam hai