shahr khaali hai kise eid mubaarak kahiye — Akhtar Usman

ye kaaenaat mire saamne hai misl-e-bisaat
kahin junun mein ulaT duun na is jahaan ko main

vaqt ab dastaras mein hai 'akhtar'
ab to main jis jahaan tak ho aauun

shaam aae aur ghar ke liye dil machal uThe
shaam aae aur dil ke liye koi ghar na ho

vahaan iid kyaa vahaan diid kyaa
jahaan chaand raat na aai ho

kyaa lutf-e-id hai jo agar tum se duur hon
guzregaa roz-e-id tasavvur mein aap ke

eid ab ke bhi gai yunhi kisi ne na kahaa
ki tire yaar ko ham tujh se milaa dete hain

vaadon hi pe har roz miri jaan na Taalo
hai eid kaa din ab to gale ham ko lagaa lo

rahmat agar qubul kare kyaa baiid hai
sharmindagi se uzr na karnaa gunaah kaa

khuun ho jaaein khaak mein mil jaaein
hazrat-e-dil se kuchh baiid nahin