khuun ho jaaein khaak mein mil jaaein — Bekhud Badayuni

haasil us mah-laqaa ki diid nahin
eid hai aur ham ko eid nahin

kabhi hayaa unhein aai kabhi ghurur aayaa
hamaare kaam mein sau sau tarah futur aayaa

na mudaaraat hamaari na adu se nafrat
na vafaa hi tumhein aai na jafaa hi aai

baiThtaa hai hamesha rindon mein
kahin zaahid vali na ho jaae

aansu miri aankhon mein hain naale mire lab par
saudaa mire sar mein hai tamannaa mire dil mein

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

ik nazar ne kiyaa hai kaam tamaam
aarzu bhi to thi yahi dil ki