kiraaya-daar badalnaa to us kaa sheva thaa — Aleem Afsar

sadaaein jism ki divaar paar karti hain
koi pukaar rahaa hai magar kahaan se mujhe

tuyur the jo ghonslon mein paikaron ke uD gae
akele rah gae hain apne khvaab ke makaan mein ham

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

basaa ke dil mein tire gham tire sitam ai dost
jahaan jahaan se bhi guzraa main naghma-khvaan guzraa