sadaaein jism ki divaar paar karti hain — Aleem Afsar

kiraaya-daar badalnaa to us kaa sheva thaa
nikaal kar vo bahut khush huaa makaan se mujhe

tuyur the jo ghonslon mein paikaron ke uD gae
akele rah gae hain apne khvaab ke makaan mein ham

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

main apne saae mein baiThaa thaa kitni sadiyon se
tumhaari dhuup ne divaar toD di meri

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ab to saaf suntaa huun apne dil ki har dhaDkan
aur kyaa dikhaaegi ye tavil tanhaai