parinde dekh kar us shakhs ko par phaDphaDaate hain — Ali Raza Aseer

Daraavnaa hai bahut hai baDaa ghanaa jangal
nikal na paaoge is se hai ik anaa jangal

saanson ko bu-e-zist se kafnaa diyaa gayaa
khaak-e-badan mein ruuh ko dafnaa diyaa gayaa

ik manzil-e-safar bhi to ab tak nahin mili
main shin-e-shaaeri pe nahin huun alif pe huun

Tahal rahaa hai ik aansu labon ke paas miraa
bigaaD kuchh nahin sakti hai ab ye pyaas miraa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

'saif' andaaz-e-bayaan rang badal detaa hai
varna duniyaa mein koi baat nai baat nahin

khun-e-dil sarf kar rahaa huun 'ravish'
khuub se naqsh-e-khub-tar ke liye