Tahal rahaa hai ik aansu labon ke paas miraa — Ali Raza Aseer

Daraavnaa hai bahut hai baDaa ghanaa jangal
nikal na paaoge is se hai ik anaa jangal

saanson ko bu-e-zist se kafnaa diyaa gayaa
khaak-e-badan mein ruuh ko dafnaa diyaa gayaa

ik manzil-e-safar bhi to ab tak nahin mili
main shin-e-shaaeri pe nahin huun alif pe huun

parinde dekh kar us shakhs ko par phaDphaDaate hain
jo qaid-e-dil hai zaahir mein magar aazaad lagtaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

meraa maqsad ki vo khush hon miri khaamoshi se
un ko andesha ki ye bhi koi fariyaad na ho

tu ham se hai bad-gumaan sad afsos
tere hi to jaan-nisaar hain ham

donon ne kiyaa hai mujh ko rusvaa
kuchh dard ne aur kuchh davaa ne