ik tajassus huaa kartaa hai bure kaam se qabl — Ali Ul

agar ho qais to phir jaa ke DhunDo lailaa ko
agar ho jaun to phir faariha ke saath raho

khudi se pyaar karo aur khudaa ke saath raho
ye tum se kis ne kahaa bevafaa ke saath raho

sazaaein dekhtaa huun aur sochtaa huun main
jahaan mein ishq se baDh kar koi bhi jurm nahin

jab se TuuTaa hai to chubhtaa hai miri aankhon mein
khvaab thaa meraa kisi kaanch ke jaisaa shaayad

khudaa se chand maangein hain hamaari
hamaari bandagi haDtaal par hai

zindagi khvaab hai aur khvaab bhi aisaa ki jise
jaagti aankhon se sab ke liye dekhaa jaae

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

mai-kasho aage baDho tishna-labo aage baDho
apnaa haq maangaa nahin jaataa hai chhinaa jaae hai

ham na piyeinge bhiik ki saaqi
le ye tiraa paimaana paDaa hai

ham pe guzraa hai vo bhi vaqt 'khumaar'
jab shanaasaa bhi ajnabi se mile

saaqi mire bhi dil ki taraf Tuk nigaah kar
lab-tishna teri bazm mein ye jaam rah gayaa