ghussa aataa hai pyaar aataa hai — Mohammad Ali Khan Rashki

vo jo sharmaa gae to un ki khataa
apne zimme hamein liye hi bani

ye mansab-e-buland milaa jis ko mil gayaa
har muddai ke vaaste daar-o-rasan kahaan

dard-e-dil kyaa bayaan karun 'rashki'
us ko kab e'tibaar aataa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

niind ke ghar mein hain khvaab aane lage
'ishq hai naachtaa aankh ke sahn mein