yak qadam raah-e-dost hai 'daaud' — Mirza Daood Beg

dekhnaa hai piyaa ki zulf-e-daraaz
yaa ilaahi mujhe de umr-e-daraaz

har kitaab-e-sohbat-e-rangin ke maani dekh kar
fard-e-tanhaai ke mazmun kuun kiyaa huun intikhaab

'vali' saani nahin daaud lekin
ghazal kahtaa hai har ik baa-talaazum

piv binaa dil miraa udaasi hai
gaah jogi hai gaah sanyaasi hai

sun nasihat miri ai zaahid-e-khushk
ashk ke aab bin vuzu mat kar

sar kaaT kyuun jalaate hain raushan dilaan ke taiin
aahan-dili pe khalq ki khandaan huun misl-e-shama

jab ki pahlu se yaar uThtaa hai
dard be-ikhtiyaar uThtaa hai

dud-e-aah-e-jigari kaam na aayaa yaaro
varna ru-e-shab-e-hijr aur bhi kaalaa kartaa

fan jo meaar tak nahin pahunchaa
apne shahkaar tak nahin pahunchaa

sach bataa ishq mujhe sakht pareshaan huun main
kyuun khafaa hotaa nahin dost khataa par meri

khizr se kah do ki aa kar dekh lein aab-e-hayaat
dhoe jaate hain nichoDe jaaeinge gesu-e-dost

baad mein rakhe saraabon ke dayaaron mein qadam
pahle vo saans ki sarhad pe to aa kar dekhe