achchhaa hai dil ke saath rahe paasbaan-e-aql — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

Thaharnaa ishq ke aafaat ke sadmon mein 'nazir'
kaam mushkil thaa par allaah ne aasaan kiyaa

un kaa gham un kaa tasavvur un ke shikve ab kahaan
ab to ye baatein bhi ai dil ho gaiin aai gai