yaad aati hai achchhi si koi baat sar-e-shaam — Shamim Abbas

saal, par saal, aur phir is saal
muntazir ham the muntazir ham hain

kabhi mai-kada kabhi but-kada kabhi kaaba to kabhi khaanqaah
ye tiri talab kaa junun thaa mujhe kab kisi se lagaav thaa

TaTolo parakh lo chalo aazmaa lo
khudaa ki qasam baa-khudaa aadmi huun

aa tire sang zaraa peing baDhaai jaae
zindagi baiTh tujhe chaae pilaai jaae

use na milne ki sochaa hai yuun sazaa deinge
har ek jism pe chehraa vahi lagaa deinge

koi aise vaqt mein ham se bichhDaa hai
shaam Dhale jab panchhi ghar lauT aate hain

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

miri baaton se ab aazurda na honaa saaqi
is ghaDi aql miri mujh se judaa phirti hai

'taabish' jo guzarti hi nahin shaam ki had se
sochein to vahin raat sahar-khez bahut hai

koi dariyaa ki taraf jaane ko tayyaar nahin
haath sab ke hain magar koi 'alam-daar nahin

vo aql-mand kabhi josh mein nahin aataa
gale to lagtaa hai aaghosh mein nahin aataa