puraane hain ye sitaare falak bhi farsuda — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

din ko rukhsat kiyaa bahaane se
raat thi vo mire sitaare ki

kisi sitaare se kyaa shikaayat ki raat sab kuchh bujhaa huaa thaa
fasurdagi likh rahi thi dil par shikastagi ki nai kahaani

mujh ko rone to do dikhaa dungaa
bulbulaa hai ye aasmaan nahin

sar ko na pheink apne falak par ghurur se
tu khaak se banaa hai tiraa ghar zamin hai

Dartaa huun aasmaan se bijli na gir paDe
sayyaad ki nigaah su-e-aashiyaan nahin

tere daaman mein sitaare hain to honge ai falak
mujh ko apni maan ki maili oDhni achchhi lagi