farishte se baDh kar hai insaan bannaa — Altaf Hussain Hali

aa rahi hai chaah-e-yusuf se sadaa
dost yaan thoDe hain aur bhaai bahut

jaanvar aadmi farishta khudaa
aadmi ki hain saikaDon qismein

ham ne avval se paDhi hai ye kitaab aakhir tak
ham se puchhe koi hoti hai mohabbat kaisi

gul-o-gulchin kaa gila bulbul-e-khush-lahja na kar
tu giraftaar hui apni sadaa ke baais

ronaa hai ye ki aap bhi hanste the varna yaan
taan-e-raqib dil pe kuchh aisaa giraan na thaa

ek raushan dimaagh thaa na rahaa
shahar mein ik charaagh thaa na rahaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

khudaa raa bahr-e-istiqbaal jald ai jaan baahar aa
ayaadat ko miri jaan-e-jahaan tashrif laate hain

jab bhi main ne khol kar dekhi hai yaadon ki kitaab
yunhi safhon par taDapte mil gae kuchh vaaqiaat

suluk rakhtaa hai mujh se munaafiqon jaisaa
tamaam shahr mein jo mo'atabar ziyaada hai

jis ko raahat hai teri yaadon se
teri furqat mein ashk-baar bhi hai