aa rahi hai chaah-e-yusuf se sadaa — Altaf Hussain Hali

ek raushan dimaagh thaa na rahaa
shahar mein ik charaagh thaa na rahaa

jaanvar aadmi farishta khudaa
aadmi ki hain saikaDon qismein

ham ne avval se paDhi hai ye kitaab aakhir tak
ham se puchhe koi hoti hai mohabbat kaisi

gul-o-gulchin kaa gila bulbul-e-khush-lahja na kar
tu giraftaar hui apni sadaa ke baais

ronaa hai ye ki aap bhi hanste the varna yaan
taan-e-raqib dil pe kuchh aisaa giraan na thaa

farishte se baDh kar hai insaan bannaa
magar is mein lagti hai mehnat ziyaada

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

us se milne kaa bahaana chaahe
dil vahi dard puraanaa chaahe

ye ghaTaa jaam aur tanhaai
yaad aataa hai bevafaa koi

tarab kaa rang mohabbat ki lau nahin detaa
tarab ke rang mein kuchh dard bhi samo lein aaj