tiir khaane ki havas hai to jigar paidaa kar — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

haqiqatein to aTal hain badal nahin saktin
magar kisi ki tasalli se hausla huaa hai

nai manzil kaa junun tohmat-e-gumraahi hai
paa-shikasta bhi tiri raah mein kahlaayaa huun

chalo ki jazba-e-izhaar chikh mein to Dhalaa
kisi tarah ise aakhir adaa bhi honaa thaa

hausla hai to safinon ke alam lahraao
bahte dariyaa to chaleinge isi raftaar ke saath

ji bahut chaahtaa hai sach bolein
kyaa karein hausla nahin hotaa

piiri mein shauq hausla-farsaa nahin rahaa
vo dil nahin rahaa vo zamaana nahin rahaa