ishq se baaz aate ham divaane kyaa — Amir Mausavi

ham khudaa bhi maan leinge aap ko
aap pahle ho to jaaein aadmi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

yuun mohabbat se na de meri mohabbat kaa javaab
ye sazaa sakht hai thoDi si riaayat kar de

palaT paDaa jo main sar phoD kar mohabbat mein
to raasta isi divaar se nikal aayaa

dil-e-sad-chaak miraa raah yahaan kab paae
kucha-e-zulf mein phirtaa hai tire shaana kharaab