raat bechain si sardi mein ThiThurti hai bahut — Amit Sharma Meet

hijr ke baa'd ye socho ki kahaan jaaoge
ham to mar jaaeinge vaise bhi hamaaraa kyaa hai

ik taraf pyaar hai rishta hai vafaadaari hai
aur in sab mein hi us gham ki taraf-daari hai

ghalat-fahmiyaan 'mit' rakkho na dil mein
vahi sach nahin jitnaa tum ne sunaa hai

lagaayaa hai dil bhi to patthar se main ne
miri zindagi ki yahi ik khataa hai

khvaab mein us se roz milaa kartaa thaa 'mit'
lekin sach mein nahin milaa so zinda huun

kai din se sharaarat hi nahin ki
mire andar kaa bachcha laapata hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

miri yaadon mein taDpoge ye vaa'da main nahin kartaa
magar mahsus to hogaa tumhein meraa na honaa bhi

use ab bhuul jaane kaa iraada kar liyaa hai
bharosa ghaaliban khud par ziyaada kar liyaa hai

dil ne go laakh ye chaahaa ki bhulaa duun tujh ko
yaad ne teri magar aaj bhi maaraa shab-khun

ji na sakun main jis ke baghair
akasr yaad na aayaa vo