ji na sakun main jis ke baghair — Athar Nafees

'athar' tum ne ishq kiyaa kuchh tum bhi kaho kyaa haal huaa
koi nayaa ehsaas milaa yaa sab jaisaa ahvaal huaa

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

sochte aur jaagte saanson kaa ik dariyaa huun main
apne gum-gashta kinaaron ke liye bahtaa huun main

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

darvaaza khulaa hai ki koi lauT na jaae
aur us ke liye jo kabhi aayaa na gayaa ho

vo ishq jo ham se ruuTh gayaa ab us kaa haal bataaein kyaa
koi mehr nahin koi qahr nahin phir sachchaa sher sunaaein kyaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

yaad kyaa aataa hai vo meraa lage jaanaa aur aah
pichhe haT kar us kaa ye kahnaa koi aa jaaegaa

pankh hilaa kar shaam gai hai is aangan se
ab utregi raat anokhi yaadon vaali

sukun-e-dil na mayassar huaa zamaane mein
na yaad rakhne mein tum ko na bhuul jaane mein

saath jo de na sakaa raah-e-vafaa mein apnaa
be-iraada bhi use yaad kiyaa hai barson