khvaab mein us se roz milaa kartaa thaa 'mit' — Amit Sharma Meet

hijr ke baa'd ye socho ki kahaan jaaoge
ham to mar jaaeinge vaise bhi hamaaraa kyaa hai

ik taraf pyaar hai rishta hai vafaadaari hai
aur in sab mein hi us gham ki taraf-daari hai

ghalat-fahmiyaan 'mit' rakkho na dil mein
vahi sach nahin jitnaa tum ne sunaa hai

lagaayaa hai dil bhi to patthar se main ne
miri zindagi ki yahi ik khataa hai

hamaaraa hijr bhi ab masala ban
zamaane mein uchhaltaa jaa rahaa hai

kai din se sharaarat hi nahin ki
mire andar kaa bachcha laapata hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

chand yaadein hain chand sapne hain
apne hisse mein aur kyaa hai ji

ham kis ko dikhaate shab-e-furqat ki udaasi
sab khvaab mein the raat ko bedaar hamin the

husn-e-qismat se hamesha 'fitrat'
bakht bedaar rahaa khvaabon mein

aap aae hain haal puchhaa hai
ham ne aise bhi khvaab dekhe hain