ye jo hain ahl-e-riyaa aaj faqiron ke biich — Taban Abdul Hai

havaa bhi ishq ki lagne na detaa main use hargiz
agar is dil pe hotaa haae kuchh bhi ikhtiyaar apnaa

buraa na maaniyo main puchhtaa huun ai zaalim
ki be-kason ke sataae se kuchh bhalaa bhi hai

aataa nahin vo yaar-e-sitamgar to kyaa huaa
koi gham to us kaa dil se hamaare judaa nahin

aaine ko tiri surat se na ho kyuun kar hairat
dar o divaar tujhe dekh ke hairaan hai aaj

imaan o diin se 'taabaan' kuchh kaam nahin hai ham ko
saaqi ho aur mai ho duniyaa ho aur ham hon

le meri khabar chashm mire yaar ki kyun-kar
bimaar ayaadat kare bimaar ki kyun-kar

jazba-e-ishq chaahiye suufi
jo hai afsurda ahl-e-haal nahin

amir-zaadon se dilli ke mil na taa-maqdur
ki ham faqir hue hain inhin ki daulat se

marne ke liye aae the ham dasht-e-balaa mein
jiine ki du'aa de gayaa darvesh hamein kyon

faqir-e-shahr bhi rahaa huun 'shahryaar' bhi magar
jo itminaan faqr mein hai taaj-o-takht mein nahin

ghar-baar chhoD kar vo faqiron se jaa mile
chaahat ne baadshaahon ko mahkum kar diyaa

dekhe na faqiri ko koi shak se hamaari
divaar mein dar bantaa hai dastak se hamaari