aap ki baaton mein aa kar kho diyaa dil kaa sukun — Anis Dehlavi

chhin liin khushiyaan miri aankhon se meri niind bhi
zindagi tu ne mujhe ab tak diyaa kuchh bhi nahin

karnaa hai aap ko jo nae raaston ki khoj
sab jis taraf na jaaein udhar jaanaa chaahiye

aap kaa koi safar be-samt be-manzil na ho
zindagi aisi na jiinaa jis kaa mustaqbil na ho

jo dil baandhe vo jaadu jaantaa hai
miraa mahbub urdu jaantaa hai

uDaa gae hain bahut dhuul jaane vaale log
chhaTe ghubaar to kuchh raasta nazar aae

us bevafaa pe marne ko aamaada dil nahin
lekin vafaa ki zid hai ki mar jaanaa chaahiye

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vaqaar' ai kaash meri umr mein shaamil na ki jaae
vo muddat haan vahi muddat jo guzri un ki furqat mein

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

zindagi se milaa nahin kuchh bhi
phir bhi ik aas hai musalsal hai