dilon ki aag baDhaao ki log kahte hain — Anwar Moazzam

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

hamein baada-kash-e-dard-e-tamannaa
hamin par band hai mai-khaana dil kaa

sab dikhaate hain tiraa aks miri aankhon mein
ham zamaane ko isi taur se mahbub hue

kaun royaa pas-e-divaar-e-chaman aakhir-e-shab
kyuun sabaa lauT gai raahguzar se puchho

aankhon mein ghul na jaaein kahin zulmaton ke rang
jis samt raushni hai udhar dekhte raho

aao dekhein ahl-e-vafaa ki hoti hai tauqir kahaan
kis mahfil kaa naam hai maqtal khinchti hai shamshir kahaan

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye dil-fareb charaaghaan ye qahqahon ke hujum
main Dar rahaa huun ab is shahar se guzarte hue

jahaan pe khatm huaa karti hain khirad ki hadein
vahin se asl mein hotaa hai dil kaa kaam shuru'

apne dil-e-betaab se main khud huun pareshaan
kyaa duun tumhein ilzaam main kuchh soch rahaa huun

kis nazar se aap ne dekhaa dil-e-majruh ko
zakhm jo kuchh bhar chale the phir havaa dene lage