aayaa hai koi pursish-e-ahvaal ke liye — Anwar Sabri

zulmaton mein raushni ki justuju karte raho
zindagi bhar zindagi ki justuju karte raho

uf vo maasum o hayaa-rez nigaahein jin par
qatl ke baad bhi ilzaam nahin aataa hai

main jo royaa un ki aankhon mein bhi aansu aa gae
husn ki fitrat mein shaamil hai mohabbat kaa mizaaj

tamaam umr qafas mein guzaar di ham ne
khabar nahin ki nasheman ki zindagi kyaa hai

vaqt jab karvaTein badaltaa hai
fitna-e-hashr saath chaltaa hai

meri nigaah-e-fikr mein 'anvar'
ishq fasaana husn hai uryaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye alag baat ki alfaaz hain mere lekin
sach to bas ye hai ki teri hi sadaa hai mujh mein

kah do 'mir'-o-'ghaalib' se ham bhi sher kahte hain
vo sadi tumhaari thi ye sadi hamaari hai

in aansuon kaa koi qadr-daan mil jaae
ki ham bhi 'mir' kaa divaan le ke aae hain