dil kai saal se marghaT ki tarah suunaa hai — Aqeel Nomani

puchho zaraa ye kaun si duniyaa se aae hain
kuchh log kah rahe hain hamein koi gham nahin

anginat safinon mein diip jagmagaate hain
raat ne luTaayaa hai rang-o-nur paani par

ab sang-baariyon kaa amal sard paD gayaa
ab us taraf bhi ranj mire TuTne kaa hai

be-sabab donon mein har ek ko dilchaspi thi
aur har ek se bezaar the ham bhi tum bhi

hamein bhi vaqt ke tufaan mil kar khaa gae aakhir
har ik kashti ko mil jaataa hai saahil ham bhi kahte the

jis ko chaahaa bas usi kaa raasta takte rahe
pattharon ki justuju mein khud ko patthar kar liyaa

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

jo dil-o-imaan na dein nazraan buton ko dekh kar
yaa khudaa vo log is duniyaa mein aae kis liye

us ke dil se nikle to ham khud ke dil tak aa pahunche
aanaa jaanaa hotaa rahtaa hai apnaa viraanon mein

ai sakht-gir aandhi itnaa khayaal rakhnaa
ik dil bhi jal rahaa hai is baam par hamaaraa