andhe adam vajud ke girdaab se nikal — Arif Shafiq

mujhe khudaa ne vo bakhshaa hai shaa'iri kaa hunar
jo khvaab dekhtaa huun vo dikhaa bhi saktaa huun

yaqin ab ho gayaa main sach huun 'aarif
jabhi duniyaa mujhe jhuTlaa rahi hai

gharib-e-shahr to faaqe se mar gayaa 'aarif'
amir-e-shahr ne hiire se khud-kushi kar li

'aarif vo faisle ki ghaDi bhi 'ajib thi
dil ko sanbhaalnaa paDaa mizaan ki tarah

koi lashkar yahaan se guzraa hai
itni ujDi ye rah-guzar kyon hai

'aarif'-husain dhokaa sahi apni zindagi
is zindagi ke baa'd ki haalat bhi hai fareb

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

lahu mein Duubi hai taarikh-e-khilqat-e-insaan
abhi ye nasl hai shaaista-e-hayaat kahaan

dil TuTne se thoDi si taklif to hui
lekin tamaam umr ko aaraam ho gayaa

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan