kuchh lutf is tarah hai musalsal safar ke saath — Arman Khan Arman

kar li hai mohabbat to khataa kyon nahin karte
jab aag lagaa li hai to jal kyon nahin jaate

talkhiyaan khun-e-jigar ki shaa'iri mein ghol kar
chand misre' laaein hain ham bhi sunaane ke liye

nae mizaaj ke logon ko kis liye aakhir
qadim taur-tariqon ke bas mein rahnaa paDaa

jangal mein udaasi ke rahoge bhalaa kab tak
kuchh raah banaa kar ke nikal kyon nahin jaate

nazar to pher mire kaaghazi badan ki taraf
abhi ye zarb-e-musalsal se taar-taar nahin

yak-lakht jal ke khaak mein milne kaa kyaa mazaa
parvaane se kaho ki vo pahle jalaae dil

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

jo zalzale mire qalb-o-jigar mein uThte hain
agar zamin mein uThte daraaz kar dete

yaad-e-yaaraan dil mein aai huuk ban kar rah gai
jaise ik zakhmi parinda jis ke par TuuTe hue

banaate hain hazaaron zakhm-e-khandaan khanjar-e-gham se
dil-e-naashaad ko ham is tarah pur-shaad karte hain