banaate hain hazaaron zakhm-e-khandaan khanjar-e-gham se — Imdad Imam Asar

gulshan mein kaun bulbul-e-naalaan ko de panaah
gulchin o baaghbaan bhi hain sayyaad ki taraf

kaisaa aanaa kaisaa jaanaa mere ghar kyaa aaoge
ghairon ke ghar jaane se tum fursat kis din paate ho

kartaa hai ai 'asar' dil-e-khun-gashta kaa gila
aashiq vo kyaa ki khasta-e-tegh-e-jafaa na ho

saath duniyaa kaa nahin taalib-e-duniyaa dete
apne kutton ko ye murdaar liye phirti hai

aaina dekh ke farmaate hain
kis ghazab ki hai javaani meri

dil ki haalat se khabar deti hai
'asar' aashufta-bayaani meri

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dekh le zaraa aa kar aansuon ke aaine
main sajaa ke palkon par teraa pyaar laayaa huun

nahin ilaaj-e-gham-e-hijr-e-yaar kyaa kiije
taDap rahaa hai dil-e-be-qaraar kiyaa kiije

kyaa dard kisi kaa legaa koi itnaa to kisi mein dard nahin
bahte hue aansu aur bahein ab aisi tasalli rahne do