yaad-e-yaaraan dil mein aai huuk ban kar rah gai — Hasan Abidi

dil ki dahliz pe jab shaam kaa saaya utraa
ufuq-e-dard se siine mein ujaalaa utraa

ashkon mein piro ke us ki yaadein
paani pe kitaab likh rahaa huun

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

kuchh na kuchh to hotaa hai ik tire na hone se
varna aisi baaton par kaun haath maltaa hai

shahr-e-naa-pursaan mein kuchh apnaa pata miltaa nahin
baam-o-dar raushan hain lekin raasta miltaa nahin

duniyaa kahaan thi paas-e-viraasat ke zimn mein
ik diin thaa so us pe luTaae hue to hain

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

ab is ke baad kuchh bhi nahin ikhtiyaar mein
vo jabr thaa ki khud ko khudaa kar chuke hain ham

aur kab tak zindagi ki naaz-bardaari karein
dosto aao chalo marne ki tayyaari karein

dil hi ayyaar hai be-vajh dhaDak uThtaa hai
varna afsurda havaaon mein bulaavaa kaisaa