rokaa thaa dam bhar lahraataa aansu — Arzoo Lakhnavi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

aap apne se barhami kaisi
main nahin koi aur hai ye bhi

hasraton kaa dil se qabza uTh gayaa
ghaasibon ki hukmraani khatm hai

khamoshi meri maani-khez thi ai aarzu kitni
ki jis ne jaisaa chaahaa vaisaa afsaana banaa Daalaa

phir chaahe to na aanaa o aan baan vaale
jhuTaa hi vaada kar le sachchi zabaan vaale

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

udaas aankhon se aansu nahin nikalte hain
ye motiyon ki tarah sipiyon mein palte hain

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

dasht ki naa-tamaam raahon par
koi saathi hai to shajar tanhaa