zindagi tujh se ye gilaa hai mujhe — Asar Akbarabadi

raasta rok liyaa meraa kisi bachche ne
is mein koi to 'asar' meri bhalaai hogi

ulfat kaa hai maza ki 'asar' gham bhi saath hon
taarikiyaan bhi saath rahein raushni ke saath

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

saaya bhi saath chhoD gayaa ab to ai 'asar'
phir kis liye main aaj ko kal se judaa karun

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

udaas ho na tu ai dil kisi ke rone se
khushi ke saath ghamon ko bikharte dekhaa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bajaae zahraab kis ne saaqi bhare hain amrit se jaam-o-saaghar
ki log aab-e-hayaat pi kar qazaa se pahle hi mar rahe hain

kaif-o-masti surur kyaa maani
zindagi mein bhi ab khushi kam hai

tum jafaa par bhi to nahin qaaem
ham vafaa umr bhar karein kyun-kar