ulfat kaa hai maza ki 'asar' gham bhi saath hon — Asar Akbarabadi

raasta rok liyaa meraa kisi bachche ne
is mein koi to 'asar' meri bhalaai hogi

zindagi tujh se ye gilaa hai mujhe
koi apnaa nahin milaa hai mujhe

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

saaya bhi saath chhoD gayaa ab to ai 'asar'
phir kis liye main aaj ko kal se judaa karun

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

udaas ho na tu ai dil kisi ke rone se
khushi ke saath ghamon ko bikharte dekhaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

khaDaa huun zer-e-falak gumbad-e-sadaa mein 'munir'
ki jaise haath uThaa ho koi duaa ke liye

main muskuraataa magar di na ashk ne mohlat
khushi jab ek mili saath gham hazaar mile

kiyaa thaa rekhta parda-sukhan kaa
so Thahraa hai yahi ab fan hamaaraa